Tiltak på Fristadsenteret vedr. Koronasituasjonen

Status på senteret per 15/3
Lokale myndigheiter gjer ein kjempejobb i desse dagar for å ta vare på eigne innbyggjarar og legge til rette for at lokalsamfunna skal fungere best mogleg, sjølv om me går ned på eit minimumsnivå i ei krevjande tid.

På Fristadsenteret held Extra, Apotek1 og Vinmonopolet ope til vanlege tider. Draumheim, Hos Lise, Elkjøp, Jernia og Sport1 vil halde ope 10-17 alle vekedagar, men stengt på laurdagar. Vinje Pizza & Grill har fått pålegg om å stengje heilt, også for take away bestillingar.

Ettersom trafikken i mange av butikkane no er kraftig redusert og sannsynlegvis kjem til å vere det ei tid framover, er mange av oss som jobber der heilt eller delvis permittert og bemanninga redusert til eit minimum.

Me set stor pris på kvar og ein av dykk som vel å nytte oss også i denne spesielle tida og me gjer alt me kan for at me alle skal kome oss gjennom dette på best mogleg måte.

Om du ikkje har høve til å koma, eller ynskjer kontakt med oss, finn du kontaktinfo lenger ned.

Me kan gjere varer klare for henting og evt hjelpe med levering,- ta kontakt!

Inne på senteret ber me alle fylgje dei instruksane som er sett opp:
– Vask hender med antibac og bruk gjerne eingongshandskar
– Hald avstand til andre
– Ikkje ta på meir enn du må
– Ikkje kom fleire enn nødvendig
– Har du sjukdomssymtom så ring oss, i staden for å koma innom.

No er tida for å ta vare på og hjelpe kvarandre. Spør kjende og kjære om det er noko du skal ordne for dei, om du allikevel har andre ærend.